C. Céard é Trádmharc?

F. Sé atá ann ná aon chomhartha ar leith a  léiríonn go graificeach idirdhealú idir earraí nó seirbhísí de chuid trádálaí amháin ó chinn eile m. sh. Kit Kat, Guinness, Coca-Cola.

C. Cén cineálacha trádmharcanna atá ann?

F. Tá an gnáth cheann i  bhfoirm focail, mana agus nó pictiúr
Tá trádmharc cnuasach  ann a dearbhaíonn caighdeán ar earraí nó seirbhísí.   Níl cead ag  sealbhóirí an trádmhairc seo láimh a chur i dtrádáil sna herraí/seirbhísí faoina réim.
Sraith de thrádmharcanna  -  ní bhíonn ach mion-difríochtí eatortha
Trádmharc trí-thomhaiseach Bíonn é seo i gceist nuair is cruth earra nó táirge nó a phacáistiú ar a bhfuil an clárú ag teastáil
      
C  Cén costas atá  ar chlárú Trádmhairc?

F. tá táille €70 ar iarratas atá aimsithe ar rang amháin ( Tá an cláriris roinnte i ranganna atá dírithe ar réimsí faoi leith mar shampla, leigheas, earraí leictrónach, bia srl.)  Tá táille €70 ar  gach rang breise atá luaite san iarratas.  Má sheasann an t-iarratas  bíonn táille cláraithe  €177 le n-íoch.  Ansin gach  10 mbliana bíonn  táille athnuacháin  de €250 ar  rang  amháin chomh maith  le €125 ag gach rang breise de  réir an Achta.  Má fhostaíonn tú gníomhaire trádmhairc nó dlíodóir gearrfaidh siadsan a gcuid táillí féin ort chomh maith.   

C.  Canathaobh a chlarófá trádmharc?

F.   Cuidíonn an clárú lena chosaint ar éinne eile a  bhéadh ag iarraidh é  a úsáid gan cead uait.

C. An gcaifear trádmharc a chlárú?

F.    Níl aon chall ort ó thaobh an dlí de, ach mura gcláraítear é bíonn sé i bhfad níos deacra agus níos costasaí ceann  neamhchláraithe a chosaint. 

C. Cén fad a  ghlacann sé ceann a chlárú?

F.  Mura fhaigheann an cigire locht  air agus mura gcuirtear  ina aghaidh, de ghnáth bíonn tréimhse 6 mhí sa chóras cláraithe. 

C.  Má chláraím an lógó i ndubh agus bán an gclúdaíonn é sin a mhacasamhail sna dathanna ar fad nó an gcaithfidh mé dathanna eile ar mhian liom a úsáid a chur san iarratas?

F. Tá an clárú sa Chláriris bailí ar na dathanna san  iarratas agus orthu siúd 

amháin.  Mar sin fhéin luíonn a mhacasamhail de mharcanna  faoi scáth do chuid cearta sáraithe rud a  chuirfeadh in iúl go mbéadh cosaint agat ar an  lógó céanna i ndathanna  eile    

C An  féidir liom ainm gan lógó a chlárú?

F.  Faoin Acht is féidir aon chomhartha a chlárú.  Is focail, lógóanna nó meascán  díobh atá sa chuid is mó des na trádmharcanna cláraithe.  Is féidir focal, litir nó lógó a chlárú ina  aonair nó meascán ar bith díobh a chlárú le chéile.

C. Má  tá stadas trádmhairc áirithe i ndiaidh bheith bainte den gcláriris, an bhféadfainn iarratas nua dá leithéad a chur isteach nó an mbéadh an t-iarshealbhóir i  ndán cur in  aghaidh mo iarratais?

F. Mura n-athnuatar an clárú glactar leis go bhfuil sé i ndiaidh dul in éag.   Mar sin fhéin, cuireann muid tréimhse 6 mhí ar fáil don sealbhóir le haghaidh athnuachán déanach a dhéanamh (ar a bhfuil táille breise le n-íoch aige/aici).  Mar a tharlaíonn i ngach cas a fhograítear san Iris , bhéadh tréimhse 3 mhí ann ina dtoicfadh leis an iarshealbhóir (no éinne eile) cur in aghaidh an iarratais nua. 

C. Tá mo thrádmharc i ndiaidh dul in éag.  An dtig liom é a aiseagrú?

F. Tig leat cinnte, a fhad is a dhéanann tú an t-iarratas aiseagruithe taobh istigh de 6 mhí i ndiaidh foilsiú dul in éag an thrádmhairc san Iris (a fhoilsíonn an Oifig gach coicís).  Bhéadh táille aiseagraithe de €125 le  n-íoch chomh maith leis an  gnáththáille athnuacháin.

C.  Tá Trádmharc cláraithe agam.  An dtig liom é a athrú agus an clúdach a choinneáil?

F.  Faoi alt 49(1) de Acht  na  dTrádmharc tig leis an  sealbhóir (sa  dóigh atá leagtha  síos  san Acht) iarratas a dhéanamh chun cur leis  nó athrú beag a dhéanamh ar an trádmharc  in aon bhealach nach gcuireann isteach ar a aitheantas bunúsach;  Caithfear an t-iarratas a chur i scríbhinn,in éineacht leis an táille cuí €60,  faoi  bhráid an Cheannasaí agus is faoina thoilsan a bhéas sé glacadh leis nó diultiú don iarratas.  

C Caithin an úsáidim an siombal ‘TM’ nó an ® ?

F. Tig leat an siombal ‘TM’ a úsáid am ar  bith bíodh go bhfuil sé cláraithe nó nach.   Sí an  chiall atá leis ná go bhfuil an t-úsáidóir  ag éileamh gur thrádmharc atá sa  chomhartha bíodh sé focal, frása, pictiúr, lógó, litir, uimhir, cruth, dath, fuaim, cumhrán nó aghaidh pacáiste.  Ní thig le héinne an siombal ® a úsáid ach amháin ar thrádmharc cláraithe.

C.  An gcosnaíonn mo chlárú Éireannach an trádmharc thar lear?

F. Ní théann cearta cláruithe Éireannacha thar teorainn na tíre seo agus is amhlaidh a bhfuil sé in aon tír eile ina fhaigheann tú clárú ann.  Ach, má tá suim agat cosaint a fháil i dtíortha eile san Eoraip  in aon iarratas amháin, tiocfadh leat Trádmharc Pobail Eorpach (TPE) a lorg.  Más réimse domhanda a bhéadh uait tiocfadh leat iarratas a chur chuig an World Intellectual Property Organisation /WIPO (An t-Eagras Domhanda de Mhaoin Intleachtúil! a eagraíonn trádmharcanna idirnáisiúnta ar leibhéal domhanda faoi scáth conradh idirnáisiúnta (Dréachtchonradh Madrid).

C Cén buntáistí a bhaineann le trádmharc Pobail Eorpach/Trádmharc Idirnáisiúnta?

F. Tá  an córas Trádmharc Pobail Eorpach ( TPE) i bhfeidhm san Aontas  Eorpach agus tugann sé deis don iarrthóir iarratas a cur isteach le haghaidh trádmharc sna  tíortha ar fad san Aontas in aon bhuile amháin ( níl cead tíortha faoi leith a phoicadh agus cinn eile  a fhágáil ar lár).                               

Tá Dréachtchonradh Madrid faoi riar ag búró an World Intellectual Property Organisation ( An t-Eagras Domhanda um Maoin Intleachtúil) atá suite i Geneva san Éilbhéis.  Faoin gcóras seo tig le duine iarratas amháin in aon teanga amháin ar aon tsraith amháin táillí ( sé an franc Éilbhéiseach an t-aonad airgid a íochtar).  Faoin gcóras WIPO is  féidir tír/tíortha áirithe a phiocadh agus cinn eile a fhágáil as an  iarratas (rud nach dtig leat a dhéanamh faoin TPE thuas).

C. Cén  chaoi a  ndéantar iarratas le haghaidh Trádmharc TPE/WIPO?
F. Is  féidir iarratas le haghaidh TPE a  sheoladh ar-líne/ar faics/sa phost  díreach chuig OHIM/ Office for Harmonization in the Internal Market (Oifig Chomhréir an  Mhargaidh Inmheánach!). 

Office for Harmonization in the Internal Market
Trademarks and Designs Receiving Unit,
Avenido de Europa 4
E03080 Alicante,
España

Is féidir an fhoirm iarratais le haghaidh trádmhairc idirnáisiúnta a fháil  ag suíomh idirlíon Oifig na bPaitinní ( www.patentsoffice.ie) nó  sa suíomh de chuid  WIPO (http://www.wipo.int)  ina bhfuil gléas a chuideoidh leat costas na  dtáillí ar na tíortha atá uait a mheas.