C. Céard é Dearadh?
F. Tá sé bainteach le cruth an táirge (nó cuid de) bunaithe ar línte, imlínte, dathanna, cruth, comhdhéanamh ábhair agus an ornáidíocht air.
C. Céard é táirge?
F. Aon rud tionsclaíoch nó céirde chomh maith le pacáiste, siombail ghraificeacha, clóscríbhínn (ach níl cláracha ríomhaire san áireamh). Ina measc bhéadh táirgí ilchodacha ar féidir iad a bhaint ó chéile agus a athchur le chéile.
C. Canathaobh ab fhearr dom mo dhearadh a chosaint?
F. Tig le dearadh nó cruth an táirge bheith lárnach i mbrandáil nó íomhá an chomhlachta agus a bheith ina shócmhaoin luachmhar de. Mura gcuireann tú iarratas isteach le haghaidh cosainte d’fhéadfadh le daoine eile somhaoin a bhaint as do chuid infheistíochtaí.
C. Cosas is féidir liom iarratas a chur isteach ar chlárú?
F. Tá sé riachtanach gur leatsa an dearadh sa chiall gur tusa a chum é nó duine a bhí ag obair duit ag an am a chumtha ( mura raibh conradh nó socrú eadraibh ag an am a bhféadfach teacht salach ar do cheart!).
Bun-riachtainisí
- Iarratas le haghaidh chlárú
- Samhlú ar féidir cóipeáil a dhéanamh air
- Ainm agus seoladh an iarrthóra
- An táille chuí
C. Cad é an costas ar iarratas cláraithe ar dhearadh?
F. Tá sé €70 ar cheann amháin agus €25 ar gach ceann breise m.sh ar cheann ilchodach ina bhfuil 10 dearadh, tá sé €70 móide 9x€25 = €295
C. Cad í an reachtaíocht a chlúdaíonn Dearaí?
F. Clúdaíonn an t-Acht um Dearaí Tionscail 2001 agus na Rialacha um Dearaí Tionscail 2002 na hiarrataisí ar fad ó 1 Iúil 2002 ar aghaidh. Tá na cinn roimhe sin faoin réim an Acht Um Maoin (Cosaint) Trádála, 1927.
C. Cén fad a mhaireann an chosaint ar an Dearadh?
F. A fhad is a íochtar na táillí athnuacháin chuile 5 bliana bhí saol 15 bliana faoin sean Acht agus faoin Acht nua tá saol 25 bliana cosanta ann ar athnuachán chuile 5 bliana.
C. An dtig liom an dearadh a chosaint thar lear?
F. Tá an chosaint i bhfeidhm sa tír seo amháin. Más cosaint thar lear atá uait tig leat iarratas a dhéanamh chun Dearadh Cláraithe an Chomhphobail a fháil.
C. Céard é an Córas Clárú Comhphobail?
F. Is próiséis lárnach í a láimhseáileann iarrataisí fa choinne cosaint i ngach ballstáit den gComhphobal
C. Cé mhéid atá ar Dhearadh Comhphobail?
F. Tá costas €350 ar chlárú agus foilsiú dearaidh amháin le cosaint 5 bliana. Islíonn ráta na dtáillí de réir méid na ndearaí a bhéadh in iarratas ilchodach m.sh. ar dhearadh 2 go dtí 10 tá costas €175 an ceann agus ón dearadh uimhir 11 ar aghaidh laghdaíonn an costas go dtí €80 an ceann.
C. Chuala me go bhfuil cearta agat fiú mura gcláraíonn tú do dhearadh. An fíor sin?
F. Is fíor é sa chiall go bhfuil réimse na cosanta mar an gcéanna. Luíonn an difear sa cheart eisiach atá ag sealbhóir Dearadh Cláruithe Comhphobail ar úsáid an dearaidh agus cead toirmisc a chur ar éinne eile ar dhéantús, tabhairt, cur ar an mhargadh, importáil, easportáil, úsáid nó stóráil táirgí ar a bhfuil an dearadh ina chuid lárnach den íomha orthu.
Tá an chosaint faoi Dhearadh Comhphobail Neamh-chláruithe teorannta ar cheart toirmisc ar chópáil. Ní gá iarratas a chur isteach chun an chosaint sin a fháil ach ar an láimh eile ní bhéadh sé éasca a chruthú go raibh an chosaint sin agat ar chor ar bith. Mar shampla dá dtiocfadh duine éigin aníos leis an dearadh ceanann céanna as a stuaim fhéin (i gcás nach raibh a fhios aige riomh ré go raibh an dearadh cosanta(neamhchláraithe) ag duine eile) ní bhéadh aon tsárú ar cheart an duine eile ann.
C. Cén fad a mhaireann Dearadh Comhphobail?
F. Tá 5 bliana cosanta ó dháta an iarratais ar na cinn chláithe agus tig leat an chosaint a athnuachan gach 5 bliana go ceann tréimse 25 bliana.
Tá cosaint 3 bliana ar dhearadh Comhphobail neamhchláraithe a thosnaíonn ar dháta a chéadnochta i gcríocha an Chomhphobail Eorpach.