Glactar i gcoitinne gurab í an bhrí atá leis an nath ‘Maoin Intleachtúil’ ná ‘chuile rud a bhfuil an meon daonna mar údar air, mar shampla idéanna, aragáin, dánta, dearthaí, ceol srl. Mar sin is le idéanna cruthaíochta a bhaineann Maoin Intleachtúil. Téann scaipeadh na nidéanna chun leas an phobail agus spreagann sé tuilleadh cruthaíochta. Ach, a luaithe‘s a nochtar idéanna don phobal bíonn deis ag daoine eile iad a chóipeáil. Ní thiocfadh lena núdar tairbhe a bhaint as a núsáid ach amháin faoi chreatlach stuama dlíthiúil a chruthaíonn cearta maoine as na hidéanna sin.
Díríonn an míniú dlíthiúil ar chearta maoine ar an ábhar gur féidir leas a bhaint astu agus gur léir gur de thoradh meabhair iad. Is ar na cearta sin atá an dlí uilig ar mhaoin intleachtúil bunaithe: dlí paitinne mar chosaint ar aireagáin; dlí cóipchirt mar chosaint ar litríocht, ceol, ealaín, taifeadtaí fuaime agus craobhscaoilte; maraon le dlí dearadh tionscail agus dlí trádmhairc.
Is féidir smaoineamh ar mhaoin tionscail faoi dhá mhórchraobh:
- Maoin tionscail, go mór mór Paitinní ar aireagáin, Trádmharcanna agus DearthaíTionscail
- Cóipcheart i saothar bainteach le litríocht, ceol, ealaín, griangraifeadóireacht, agus i saothar éist-amharc.