Na céimeanna.
Nuair a thagann iarratas isteach, ar a bhfuil na sonraí riachtanacha, cuirtear uimhir iarratais agus dáta admhála ina leith i gcóras cuntas na hOifige agus cuirtear admháil ina thaobh go dtí an t-iarrthóir.
‘Siad seo a leanas na bun-riachtanais:-
- Iarratas ar chlárú ( moltar é seo a dhéanamh ar an fhoirm iarratais s’againne)
- Ainm agus seoladh an iarrthóra
- Samhlú ar an mharc
- Ráiteas nó liosta des na hearraí agus/nó na seirbhísí ar a bhfuil clúdú an mhairc ag teastáil
Ansin deintear scrúdú ar an iarratas ó thaobh a iontofacht le haghaidh cláraithe. Cuardaítear na stórais sonraí le fáil amach an bhfuil an trádmharc sin, nó ceann cosúil leis, cláraithe cheanna féin. Más amhlaidh a bhfuil, tig leis an Oifig an t-iarratas a dhiúltú.
Tá bacanna eile ann a chuirfeadh le diúltú an iarratais, mar shampla marc nach raibh ann ach ábhar molta ar chaighdeán an táirge m.sh. ‘ den scoth’ nó comhartha a bhéadh i ndiaidh ciall aicmeach a fháil sa réimse sin de chúrsaí trádála ( m.sh. ‘.com,’ ‘eco’).
Má tharlaíonn sé gur dócha go bhfuil an Oifig a gabhail a bheith diúltach i dtaobh an iarratais cuirfear é seo in úil don iarrthóir, agus beidh deis aige/aice moltaí a chur isteach ag tacú lena c(h)ás agus murar leor é sin, bhéadh cead aige/aici más mian leis/léi buaileadh le hoifigeach sinsearach ón Oifig chun an cás in aghaidh an diúltaithe a phlé.
Má éiríonn leis an iarratas le haghaidh clárú fógrófar na sonraí in Iris na hOifige. I rith tréimhse 3 mhí i ndiaidh na fógraíochta sin beidh deis ag éinne, a bhéadh in aghaidh deonadh don iarratas sin, fógra cur-in-aghaidh a chur go dtí an Oifig in éineacht leis an táille cuí agus cuirfeadh an Oifig cóip de go dtí an t-iarrthóir. Tabharfaí an deis don dá thaobh fianaise a chur isteach ag cur lena gcás. I ndiaidh na fianaise ar fad ar son nó in aghaidh clárú an trádmhairc a thabhairt san áireamh, is ar oifigeach sinsireach san Oifig a bhéas an cinneadh i dtaobh clárú nó diúltú don trádmharc sa deireadh.
Cén fad a mhairfidh an clárú?
Níl téarma ama leis a fhad is a deintear an t-athnuachán gach 10 mbliana ( ag tosnú 10 mbliana i ndiaidh data admhála an iarratais) ar an táille cuí.