Tá dlí agus cleachtas na paitinne, maraon le dréachtadh sonraíochta a thugann cur síos ar aireagán, ina n-ábhair chasta ar a moltar cuidiú ó ghníomhaire paitinne mura bhfuil sainoiliúint ag an iarrthóir sa réimse seo.
Cinntíonn clár na sonraíochta cibé ar féidir paitinn a dheonú agus i ndiaidh sin a scóip agus a bailíocht. Eagraíonn an gníomhaire paitinne freisin iarratais le comhdú thar lear agus soláthraíonn sé nó sí comhairle ar ábhair a bhaineann le saothrú tráchtála an aireagáin. Is féidir an t-aireagán a phlé faoi rún leis an ngníomhaire paitinne.
In imeachtaí ós comhair an Rialaitheora caithfidh daoine nach bhfuil cónaí orthu nó príomháit ghnó acu sa Stát gníomhaire paitinne a cheapadh chun gníomhú thar a gceann. I réimsí áirithe ( féach Riail 93 de Rialacha na bPaitinní, 1992) bíonn ar chuile iarrthóir, bíodh conaí air sa stát no i gcéin, seirbhísi gníomhaire paitinne a fháil. Sa chás go n-ainmníonn iarrthóir gníomhaire paitinne, ba chóir gach fiosrúchán a stiúradh chuig an ngníomhaire sin agus beidh gach cumarsáid oifigiúil ó Oifig na bPaitinní déanta leis an ngníomhaire ainmnithe.
NÓTA. Ní féidir le hOifig na bPaitinní comhairle a thabhairt d’iarrthóirí maidir leis an rogha gníomhaire.
Tá liosta de na gníomhairí paitinne atá cláraithe le fáil ar shuíomh an gréasáin seo nó ar iarratas ón Oifig.