Cúlra Reachtúil agus Feidhmeanna
Tá feidhmeanna reachtúla an Cheannasaí leagtha síos in Acht na bPaitinní, 1992
, Acht na dTrádmharcanna, 1996; Acht um Maoin Intleactúil (Forálacha Ilghnéitheacha), 1998, Acht um Dearaí Tionscail, 2001, na Rialacha Reachtúla déanta faoi na hachtanna seo agus iad siúd faoi Rialacha an Phobail Eorpach (Deimhniú Cosanta Breise), 1993. Is faoin gCeannasaí ina chumas reachtúil a luíonn cinnithe faoi na hAchtanna, Rialacha agus Rialacháin seo, faoi réir cearta áirithe achomhairc san Árd-chúirt.
Tá na feidhmeanna reachtúla seo bainteach le deonú Paitinní agus clarú Trádmharcanna agus Dearaí chomh maith le riar agus cosaint na gcearta maoin tionscaíochta seo (tig leat tuilleadh a léamh faoi seo sa nasc faoi Maoin Intleachtúil).
Tá feidhmeanna reachtúla áirithe ag an gCeannasaí fosta faoin Acht um Chóipcheart agus Cearta Faoina Réir, 2000. Den chuid is mó, tá na feidhmeanna seo bainteach le clárú eagraíochtaí ceadúnas cóipchirt, chomh maith le sonraí i dtaobh scéimeanna ceadúnais faoina gcúram. Tá ról aige freisin i réitiú conspóidí a bhíonn bainteach den chuid is mó le seinm taifeadáin fuaime go poiblí.
Rosc
‘Sé príomh-rosc Oifig na bPaitiní ná:-
“ Córas éifeachtach feidhmiúil ar chosaint maoin tionscail a chur ar fáil faoi réir an reachtaithe chun feabhsú teicneolaíoch a spreagadh agus fiontraíocht a chothú”
Cuirfear é seo i gcrích trí chosaint cearta maoin tionscail i réimse na bpaitinní, na dtrádmarcanna agus na ndearaí, agus trí scaipeadh an eolais chuí i leith gach ceann des na himeachtaí seo.